Pri la esenco

La 57 proponoj, kiujn la revuo Prescrire ĵus diskonigis estas trafaj kaj vaste sufiĉaj. La Formindepo rigardas ilin kiel siajn proprajn, kaj kompletigos ilin. Ili fakte enigas la plimulton de la postuloj de la Formindepo pri sendependeco de sperteco, sanaj decidoj, medicina trejnado kaj informo. La verkoj de tiu Konferenco, se ili estus taksotaj kompare kun tiuj proponoj, riskos konfirmi la malplenecon de ĉi tiu registara iniciato..

Neniu pridubo ke la aktuala nunura sana spertkontrolo, ĝenerala ilo de ĉiuj farmaciaj premgrupoj, estas inkluzivita, eĉ implicite, en la laborprogramo. Opiniogvidantoj de farmaciaj entreprenoj nutradas kaj kontrolas, kiel spertuloj, la tutan sanan komunumon, trejnadon de studentoj, kontinuan trejnadon de profesiuloj, amaskomunikilojn al publiko kaj uzantoj de flegado, decidojn kaj mastrumadon de sanaj agentoj, kiel tion pruvas la nomumo de la nova Prezidanto de la HAS, ministrajn kabinetojn, ktp. Tamen ĝi estas ĉi tiu situacio, kiu grandparte klarigas la pasintajn sanajn dramojn, nunajn aŭ estontajn. La konferenco ne ŝanĝos ion ajn.

Kiel ĝi komencis fari dum sia aŭdienco al la informa misio de la Nacia Asembleo la 24an de Februaro, la Formindepo alportos siajn proponojn por promocii kvalitan laboron, demokratan debaton, serenan, travideblan kaj sendependan pensadon, kiel faris la informa Senata misio prezidata de senatano Autain.



Pri la formo

Ekde la malfermo de la Konferenco kaj la unuaj kunvenoj de la laborgrupoj, travidebleco kaj sendependeco de debatoj estis subfosataj :
– malpublika lanĉo de la Konferenco ;
– neniu aŭda aŭ videa raporto de debatoj ;
– malpermeso filmi debatojn, kaj proceduraj minacoj en la nomo de bildrajtoj. Vidu artikolon de la TTTejo Arrêt sur Images : Assises du médicament, transparence…à huis-clos (Konferenco pri medikamentoj : travidebleco… pordoferme) ;
– malakcepto kontroli deklarojn de intereso, kaj puni pro breĉoj aŭ malĝustaĵoj. Organizantoj fidas "la spiriton de respondeco" de la reprezentantoj de firmaoj, de iliaj opiniogvidantoj kaj de tiuj, kiujn ili financas ;
– Ekde la komenco, rifuzo subteni la kostojn de partopreno ĉe la Konferenco (veturo, enspezoperdoj por la profesiuloj, ktp). La proponita modo de kompenso nuntempe ne malpermesas repagon de elspezoj al la reprezentantoj de la industrio. ... ;
– superreprezentantaro de firmaoj kaj institucioj. De komence ĉirkaŭ 150 partoprenantinvititoj ĝis preskaŭ 250 nunaj, tiu listo kreskis ĉefe per industriaj reprezentantoj aŭ spertuloj, profesiuloj kaj institucioj troŝarĝitaj de interesaj ligiloj kun la industrio, de kiuj ili estos proparolantoj, vole aŭ nevole. Ĉi tiuj finatingas pligrandigitajn laborgrupojn (60 partoprenantoj en la grupo 4), tiel ke ĉiu laboro iĝas neebla, kaj estas kontrolita de kompanioj aŭ de iliaj fideluloj.
limigo de partopreno de "sendependuloj" : la ĵurnalistino Stéphane HOREL, kunaŭtoro de la filmo "Les médicamenteurs" (La medikamentistoj), kaj aŭtoro de la samtitolita libro, estis ĝentile postulita ne partopreni en grupo 4, kien ŝi tamen registriĝis. Necesis eble liberigi spacon por firmaoj.

Malgraŭ angorigintaj pravigoj, kiuj aperis je la komenco de la Konferenco, la Formindepo, pelita de la espero de sanaj uzantoj kaj profesiuloj, kiuj dum kelkaj tagoj respondis al ĝia alvoko por kovri per donacoj ĝian partoprenon, volis kredi la sincerecon de la Konferenco. Tio estis eraro.

Por ebligi sian partoprenon kaj garantii sian sendependecon dum tiu Konferenco, la Formindepo lanĉis alvokon por donacoj. En malpli ol du semajnoj, la dezirita mononivelo estis atingita. La Formindepo proponos rembursi donacantojn por iliaj donacoj, krom se ili akceptas ke ili estos atribuitaj al aliaj Formindepaj agoj, kiel la nuna apelacio al la Ŝtata Konsilio por batali kontraŭ konfliktoj de intereso ene de la HAS.

La nekapablo de la iniciatintoj de la Konferenco konsideri la lecionojn de la bedaŭrebla mastrumado de la Mediator®, koncerne travideblecon kaj sendependecon de industriaj kaj komercaj interesoj, multe klarigas la mankon de reala volo reformi la sistemon. [Estos multaj aliaj Mediator ®)>art397].

Postskribo :
Ĉi tiu dokumento estos la sola kontribuaĵo de la Formindepo al la Konferenco pri medikamentoj (Assises du Médicament).
La Formindepo postulas ke ĉi tiu kontribuaĵo estas almetota al la fina raporto de la Konferenco, kaj figuros en la raportoj de la 4-a kaj 5-a grupoj, kie ĝi estas enskribita.